أكواد بالجملة
مئات الأكواد لكورس معيّن أو لكل كورساتك مرة واحدة، من غير ما تكتبها واحد واحد.
بيع كورساتك بالأكواد… زي ما متعوّد في السنتر
اطبع كروت لطلابك وبيعها في السنتر أو المكتبة. الطالب يمسح الـQR أو يكتب الكود، والكورس يتفتح له في ثانية.
متاحة في باقة:احترافيةقارن الباقات
كروت جاهزة للطباعة بـQR
الكارت فيه الكود وQR بيفتح صفحة الكورس على طول، ولو الطالب لسه ماعملش دخول بيرجع للكورس بعد ما يسجّل.
أكواد شحن محفظة
بدل كود لكورس معيّن، الطالب يشحن رصيده ويشتري منه اللي هو عايزه.
أكواد خصم
اعمل كود بخصم لفترة معيّنة أو لمجموعة طلاب، والسعر بيتحسب لوحده وقت الدفع.
تحكّم كامل في كل كود
تحدّد عدد مرات الاستخدام وتاريخ الانتهاء، وتشوف مين استخدم الكود وإمتى، وتوقّفه في أي وقت.
أو دفع أونلاين
لو عايز، الطالب يدفع بالكارت أو المحفظة الإلكترونية جوّه موقعك والكورس يتفعّل لوحده.
بصراحة
الكارت المطبوع زي الفلوس بالظبط: لو حد صوّر الكود قبل ما يتستخدم، يقدر يستخدمه هو. عشان كده خلّي كل كود لاستخدام واحد، واحتفظ بالكروت ووزّعها بنفسك أو عن طريق مكان بتثق فيه.
أسئلة بيسألها المدرّسين
الطالب بيفعّل الكود إزاي؟
من صفحة الكورس على منصّتك: يكتب الكود أو يمسح الـQR من الكارت، والكورس يتفتح له على طول.
ينفع كود واحد يفتح كذا كورس؟
أيوه، الكود ممكن يبقى لكورس معيّن أو لكل كورساتك. وفيه كمان أكواد شحن محفظة الطالب يشتري بيها اللي هو عايزه.
أقدر أستخدم الأكواد والدفع الأونلاين مع بعض؟
أيوه. فيه طلاب بيحبوا يشتروا كارت من السنتر، وطلاب بيدفعوا أونلاين — الاتنين شغّالين في نفس الوقت.
الأكواد متاحة في كل الباقات؟
إنشاء الأكواد متاح، والتوليد بالجملة وطباعة الكروت في الباقات اللي فيها الخاصية — مكتوبة فوق جنب عنوان الصفحة.
مميزات تانية في منبري
حماية الفيديوهات
دروسك بتترفع على سيرفر فيديو محمي، وكل طالب بيشوفها باسمه هو. ولو حد صوّر الشاشة، اسمه ورقمه ظاهرين على الفيديو.
اعرف أكتر ←امتحانات إلكترونية
الطالب يحل من موبايله والدرجة تطلع أول ما يسلّم. وإنت تعرف أنهي سؤال أغلب الفصل غلط فيه.
اعرف أكتر ←البث المباشر
ادخل من المتصفح ودوس «ابدأ البث». الطلاب يتفرّجوا جوّه منصّتك، والحصة تتسجّل وتتحط درس للي فاته.
اعرف أكتر ←منبري ولا منصة عند مبرمج؟
مقارنة صريحة في التكلفة والوقت والصيانة، بما فيها الحالات اللي المنصة الخاصة فيها أحسن.
اقرا المقارنة ←جرّبها على منصّتك إنت
تجربة مجانية ١٤ يوم، من غير بطاقة ائتمان ومن غير تجديد تلقائي.