منبري ولا يوتيوب وتليجرام؟
أغلب المدرّسين بيبدأوا بفيديو «غير مدرج» على يوتيوب وجروب تليجرام وتحويل فودافون كاش. ده بيشتغل في الأول — المقارنة دي عن اللي بيحصل لما الطلاب يكتروا.
| المقارنة | منبري | يوتيوب + تليجرام |
|---|---|---|
| التكلفة | اشتراك شهري أو سنوي يبدأ من 1,000 جنيه في الشهر، وتجربة ١٤ يوم مجانًا. | مجانًا. |
| حماية الفيديو | بث من سيرفر محمي بروابط مؤقتة، وعلامة مائية باسم الطالب، وحد للأجهزة. | رابط «غير مدرج» بيشتغل مع أي حد يوصله. تليجرام فيه خيار يمنع الحفظ والتحويل، بس القناة بتتشارك بلينك ومفيش علامة باسم الطالب. |
| تحصيل الفلوس | دفع أونلاين وأكواد وكروت ومحفظة، والكورس بيتفتح لوحده بعد الدفع. | تحويل يدوي وسكرين شوت، وإنت بتضيف كل طالب للجروب بإيدك. |
| الامتحانات | امتحانات وبنك أسئلة وتصحيح تلقائي ونتايج محفوظة لكل طالب. | فورم خارجي، والدرجات بتتجمع يدوي في شيت. |
| متابعة الطالب وولي الأمر | تعرف مين اتفرّج وقد إيه، وولي الأمر عنده بوابة وتقارير. | مفيش بيانات لكل طالب؛ بتعرف عدد المشاهدات بس. |
| الطالب لما يخلص اشتراكه | الصلاحية بتنتهي لوحدها في المعاد اللي إنت حدّدته. | لازم تشيله من الجروب بإيدك، والفيديوهات اللي شافها لسه معاه. |
| الوصول لطلاب جداد | منصّتك مش محرّك بحث: الطلاب الجداد بيوصلوا من صفحاتك وإعلاناتك وكلام الطلاب. | يوتيوب نفسه بيقترح فيديوهاتك على ناس ماتعرفكش — ودي ميزة حقيقية. |
الخلاصة
منبري أنسب لو…
منبري أنسب للمحتوى المدفوع: لو بتبيع كورسات وعايز تعرف مين دفع ومين اتفرّج، وماتقضيش وقتك في التحويلات وإضافة الطلاب وشيلهم. وأغلب المدرّسين بيستخدموا الاتنين: المجاني على يوتيوب يجيب الطلاب، والمدفوع على المنصّة.
يوتيوب + تليجرام أنسب لو…
يوتيوب أحسن للمحتوى المجاني اللي هدفه الانتشار: مراجعات، شرح نماذج، فيديوهات قصيرة. وتليجرام كويس للإعلانات السريعة لو المحتوى مش مدفوع.
أسئلة شائعة
ينفع أحط فيديوهات يوتيوب جوّه منبري؟
أيوه، تقدر تحط دروس من يوتيوب جنب الدروس المحمية، والطالب بيشوفها جوّه منصّتك. بس الحماية الكاملة للفيديو المرفوع على المنصّة.
هل الفيديو «غير المدرج» على يوتيوب آمن؟
مش ظاهر في البحث، بس أي حد معاه الرابط يقدر يتفرّج ويبعته لغيره. يعني مناسب للمحتوى اللي مش فارق معاك ينتشر.
هخسر طلاب لو نقلت من تليجرام لمنصة؟
النقل بيبقى أسهل لو عملته على مراحل: الكورس الجديد على المنصّة، والقديم يفضل مكانه لحد ما يخلص. ابعت للطلاب لينك منصّتك وQR في الجروب نفسه.
الطالب محتاج يعمل حساب؟
أيوه، بيسجّل مرة واحدة برقم موبايله على منصّتك، وده اللي بيخلّيك تعرف كل طالب وتتابعه.
اعرف المميزات بالتفصيل
حماية الفيديوهات
دروسك بتترفع على سيرفر فيديو محمي، وكل طالب بيشوفها باسمه هو. ولو حد صوّر الشاشة، اسمه ورقمه ظاهرين على الفيديو.
اعرف أكتر ←أكواد وكروت الطلاب
اطبع كروت لطلابك وبيعها في السنتر أو المكتبة. الطالب يمسح الـQR أو يكتب الكود، والكورس يتفتح له في ثانية.
اعرف أكتر ←امتحانات إلكترونية
الطالب يحل من موبايله والدرجة تطلع أول ما يسلّم. وإنت تعرف أنهي سؤال أغلب الفصل غلط فيه.
اعرف أكتر ←البث المباشر
ادخل من المتصفح ودوس «ابدأ البث». الطلاب يتفرّجوا جوّه منصّتك، والحصة تتسجّل وتتحط درس للي فاته.
اعرف أكتر ←مساعد الذكاء الاصطناعي
مش شات عام بيرد من دماغه. المساعد بيقرا دروسك، ويساعدك تجهّز الأسئلة والملخصات، ويجاوب طلابك من كلامك إنت.
اعرف أكتر ←متابعة أولياء الأمور
بوابة لولي الأمر على منصّتك يشوف منها دروس ابنه وامتحاناته، وتقارير بتجهّزها في دقيقة وتبعتها له.
اعرف أكتر ←الثانوية العامة والبكالوريا
إنت اللي بتحدّد السنوات اللي بتدرّسها، والطالب بيختار سنته وهو بيسجّل ويشوف كورساتها بس. وفيه زرار يضيفلك سنوات البكالوريا ومساراتها مرة واحدة.
اعرف أكتر ←للسناتر والمساعدين
المساعدين يصحّحوا ويردّوا ويتابعوا الطلاب كلٌّ في حدود صلاحياته، وإنت تفضل ماسك كل حاجة من لوحة واحدة.
اعرف أكتر ←جرّب بنفسك قبل ما تقرّر
تجربة مجانية ١٤ يوم، من غير بطاقة ائتمان ومن غير تجديد تلقائي.