مساعد بصلاحيات إنت تحدّدها
تصحيح، واجبات، أسئلة الطلاب، رسايل، كورسات، أكواد، طلاب، لايف، إعلانات — اختار لكل مساعد اللي يخصّه بس.
السنتر بتاعك… ومعاه منصّة أونلاين وفريق شغّال عليها
المساعدين يصحّحوا ويردّوا ويتابعوا الطلاب كلٌّ في حدود صلاحياته، وإنت تفضل ماسك كل حاجة من لوحة واحدة.
مجموعات زي السنتر
قسّم طلابك مجموعات (مجموعة السبت، مجموعة المعادي…) وخلّي البث المباشر لمجموعة معيّنة بس.
استيراد الطلاب من Excel
عندك كشف طلاب السنتر؟ ارفعه Excel أو CSV مرة واحدة بدل ما تسجّلهم واحد واحد، وصدّرهم Excel في أي وقت.
الكاش في السنتر
الطالب دفع كاش؟ فعّله الكورس بإيدك، أو اشحن رصيد محفظته من لوحتك ويشتري هو اللي عايزه.
كروت أكواد للبيع
في الباقات اللي فيها كروت الأكواد، اطبع كروت بـQR وبيعها في السنتر أو المكتبة، والطالب يفعّل الكورس بنفسه.
مذكّراتك وكتبك
بيع المذكّرات نسخة رقمية محمية أو مطبوعة بالشحن، وتابع الطلبات من نفس اللوحة.
بصراحة
منبري منصّة للتعليم أونلاين، مش برنامج إدارة سنتر كامل: مفيش تسجيل حضور للحصص اللي في القاعة، ولا جدول قاعات، ولا مرتّبات. الحضور اللي بيتسجّل تلقائيًا هو حضور البث المباشر. والمساعد مايقدرش يضيف مساعدين أو يغيّر صلاحياته.
أسئلة بيسألها المدرّسين
المساعد يقدر يشوف الفلوس؟
لا، صفحات المبيعات والإعدادات والمساعدين للمدرّس بس. المساعد بيشوف الأقسام اللي إنت اخترتها له.
كام مساعد أقدر أضيف؟
تضيف المساعدين اللي محتاجهم من «المساعدين» في لوحتك، ولكل واحد إيميل وباسورد خاصين بيه.
الطلاب اللي باستوردهم بيدخلوا إزاي؟
كل طالب بيدخل برقم موبايله على منصّتك، وتقدر تعيد تعيين كلمة المرور لأي طالب من لوحتك.
ينفع أشتغل أونلاين وسنتر مع بعض؟
أيوه، ودي أكتر طريقة شايعة: الشرح في السنتر، والفيديوهات والامتحانات والمتابعة على المنصّة للي غاب أو عايز يراجع.
مميزات تانية في منبري
أكواد وكروت الطلاب
اطبع كروت لطلابك وبيعها في السنتر أو المكتبة. الطالب يمسح الـQR أو يكتب الكود، والكورس يتفتح له في ثانية.
اعرف أكتر ←متابعة أولياء الأمور
بوابة لولي الأمر على منصّتك يشوف منها دروس ابنه وامتحاناته، وتقارير بتجهّزها في دقيقة وتبعتها له.
اعرف أكتر ←البث المباشر
ادخل من المتصفح ودوس «ابدأ البث». الطلاب يتفرّجوا جوّه منصّتك، والحصة تتسجّل وتتحط درس للي فاته.
اعرف أكتر ←منبري ولا منصة خاصة عند مبرمج؟
مقارنة صريحة بين الاشتراك في منبري وإنك تعمل منصة تعليمية خاصة عند مبرمج: التكلفة، وقت البداية، حماية الفيديو، الدفع، الصيانة، والملكية.
اقرا المقارنة ←منبري ولا يوتيوب وتليجرام؟
مقارنة صريحة بين بيع كورساتك على منصة خاصة بيك وبين يوتيوب غير مدرج وجروبات تليجرام: حماية الفيديو، تحصيل الفلوس، الامتحانات، المتابعة، والانتشار.
اقرا المقارنة ←جرّبها على منصّتك إنت
تجربة مجانية ١٤ يوم، من غير بطاقة ائتمان ومن غير تجديد تلقائي.